Monday, January 17, 2011

დარია

Unkle-ის ბოლო ალბომს ვუსმენ, როცა მოულოდნელად თავს მატყდება. მუქი წითელი სვიტერი აცვია და სულაც არ გამოიყურება ისე, როგორც ყველაზე ლამაზი გოგო, რომელსაც კი ოდესმე შევხვედრივარ. იწყებს  მოყოლას იმაზე, რომ ვიღაცას უთქვამს, თითქოს ელფის თვალები ჰქონდეს, იცინის და მოულოდნელად თემას ცვლის - ფერწერაზე გადადის. მოულოდნელად-მეთქი,  პირობითად ვამბობ, თქვენთვის, თორემ დარიას ძალიან უყვარს მხატვრებსა და მუზეუმებზე საუბარი და ხანდახან თავადაც კი ხატავს რაღაცებს.

დარია კანადელია, წარმოშობით უკრაინელი. შესაბამისად უყვარს ბორშჩის და პელმენების დამზადება. მსოფლიოში ყველა გოგოზე მეტად უხდება ყვითელი ფერი და ბალმენის მილიტარი პიჯაკები. ერთმანეთთან ბევრ საერთოს ვპოულობთ, მაგალითად, ის ნამდვილი უკრაინოფილია, მე კი ძალიან მომწონს უკრაინული ენა, ბიჭები და ბორშჩი. ერთი საერთო კიდევ გვექნებოდა, ოთხ-ხუთ კილოგრამს რომ მოიმატებდეს, მაგრამ ამას ვერ იზამს, რადგან ცნობილი მოდელია. მე შემიძლია თუნდაც ოცი მოვიმატო, რადგან ჩემი ამჟამინდელი პროფესია ადამიანებს სასწორზე არ წონის, მაგრამ ვეუბნები, რომ ამას არ ვიზამ, რადგან ზედმეტად მიყვარს ჩემი ჯინსის შარვალი და ჩემი თავი მასში. ამის შემდეგ ენას ვუყოფ და მპ3 არქივში ახალი მუსიკის ძებნას ვიწყებ. ისიც ენას მიყოფს და ჩემს სუნამოების მაგიდასთან მიძვრება, თუმცა მის მიერ რეკლამირებულ ლანკომის ჰიპნოზს იქ ვერასოდეს აღმოაჩენს. საშინლად არ გიხდება ეგ აფთიაქის არომატი-მეთქი, სულ ვეუბნები. ვიცი და ყოველ წუთას ნუ მახსენებო, ისიც სულ მეუბნება. 

უხარია ჩემი ბლოგის ჰედერზე თავის ფოტოს რომ ხედავს. ეს რა არის-მეთქი და ერთ მეზობელ ბლოგზე შემყავს, რომლის ავტორიც ძალიანაა შეყვარებული დარიაზე. ბიჭი რომ არის, იმიტომ მოვწონვარ ასეო. მე დელიკატურად ვჩუმდები: დარია ერთადერთი გოგოა მსოფლიოში, რომელიც მაეჭვებს იმაში, ნატურალი ვარ თუ არა, თუმცა მხოლოდ მაეჭვებს და ჩემნაირი ჰეტეროს შემთხვევაში ესეც დიდი მიღწევაა. დარია ჩემთვის ყოველთვის იმაზე მეტი იქნება, ვიდრე ვინმე ბიჭი - მხოლოდ მას შეუძლია მითხრას, როგორ უნდა გამოვიყურებოდე იმ ვინმესთვის. როგორც  she who is weak or who is wild in a pleasant ways, as an alien or a citizen…

32 comments:

  1. ნამდვილად არაა გასაკვირი, რომ გაფიქრებს :))))

    ReplyDelete
  2. მეც ასე მგონია, ზურ :))

    ReplyDelete
  3. uuh, shemayvaret shen da tornikem Daria :)) tumca, es ar iyo dzalian rtuli, mis garegnobas tu gavitvaliswinebt :) :P

    ReplyDelete
  4. ისე ყვებოდი, ვხედავდი, როგორ მივიდა შენს სუნამოების მაგიდასთან...

    კარგი გოგოა, ჰედერზე ძალიან მომწონს :)

    ReplyDelete
  5. ნატალია,
    გარეგნობის გარდა, ისეც კარგი გოგოა :) ჭკვიანია და მხიარული, ვიდეო ინტერვიუებში ჩანს ხოლმე
    ნუ მე რაში მინდა ინტერვიუები, ღამე არ მძინავს დარიას გარეშე, ეს ისე... :D:D

    ქეთი,
    ხო დაინახე? :))) <3

    ReplyDelete
  6. ვიდეო ნახეთ, რიდლი სკოტია ბოლოსდაბოლოს :))))

    ReplyDelete
  7. დარია შეიძლება სულაც არაა ასეთი ლამაზი და მშვენიერი, მაგრამ შენ რომ ვინმეზე დაწერ, იმას აუცილებლად შეაყვარებ სხვასაც :))

    ReplyDelete
  8. და ჰედერი მეც მომწონს და ისიც მომწონს, რომ ხშირად ცვლი
    აი მე კი ევრ დავამუღამე, სულ ზომებს ურევს და სად შემიძლია მე ამდენი კორექტირებები და დაწვრილმანება :)

    ReplyDelete
  9. ნინო,

    ლამაზი შეიძლება მართლა არაა, მშვენიერი უფრო კი )) ენივეი, კომპლიმენტად მივიღე, მადლობა <3

    მე დავამუღამე ;) რამის გაკეთება თუ მოგინდა და faq-ში არ იყო, მითხარი )

    ReplyDelete
  10. კარგია დარია გარეთ :)

    ნინა, შენ უნკლეს ალბომის ლინკიც მოგეძევება სადმე, აბა მოლნკე ;)

    ReplyDelete
  11. :)

    http://electropeople.org/electronic/1146717541-unkle-where-did-the-night-fall-2010.html
    and
    http://electropeople.org/electronic/1146745212-unkle-the-answer.html

    ReplyDelete
  12. მგონი, ერთადერთი მოდელია, რომელიც მომწონს. ყველა ფერის ტანსაცმელი უხდება, მე თუ მკითხავ და დატანჯული გამომეტყველებაც არა აქვს, როგორც სხვა დამშეულ გოგოებს.

    უკრაინა კიდევ მეც მიყვარს, ენაც და ხალხიც, თავიანთი სპეციფიკური რუსული აქცენტით.

    ReplyDelete
  13. რა მაგარია, ჩემი და გოლდენის გემოვნება დაემთხვა და რაში - მოდელებში :)))
    სოფი, მგონი მუქი წითელი არც ისე უხდება, სხივს უკარგავს და შუა ხნის ქალს ამსგავსებს იმჰო

    ReplyDelete
  14. ისა ბლმას ბუტიკი რომ გაიხსნა თბილისში ნამყოფი ხარ შემთხვევით? რა ხდება ვინ იცის? :)

    ReplyDelete
  15. რამე ხომ არ დამეწერა პიერ ბალმაზე? მმმმმ :}

    ReplyDelete
  16. ვინ ბალმა? რა ბუტიკი?

    ReplyDelete
  17. ვინ და ვისი მილითარი პიჯაკიც უხდებაო ამბობ.
    პიერ ბალმა. ფრანგი დიზაინერი. თუ სხვას გულისხმობდი?
    ბუტიკი გაიხსნა ქარვასლაში (თუ არ ვცდები).
    კარდენი ვინც გახსნა იმათია.
    კარდენის ბუტიკის ფასებს თუ გავითვალისწინებთ, ნამუსიანი ფასები უნდა იყოს მანდაც.

    ისე, კარდენიც კარდაა მამენტ :):)

    ReplyDelete
  18. ეგ არ გამიგია )
    ბალმენი ხო? Balmain. ამოკლებ? :))
    დაწერე, აბა რა უნდა ქნა :)

    ReplyDelete
  19. იძულებული ვარ, შევამოკლო :)
    ქართველისთვის "ნ" არის აი ეგეთი ნნნნნ! :) მანდ კი ხომ ძალიან ყრუ ნ-ა. სუსტად ისმის. რომ არ დაწერ უფრო ახლოა. -balmah-
    თუ პოსტი დავწერე ასე დავწერ ბალმა(ნ) :):)

    ReplyDelete
  20. http://www.balmain.com/boutique/d-caban-double-balmain/
    :)

    ReplyDelete
  21. ნოუ ეგ არ ქნა) რუსებიც ინარჩუნებენ ნ-ს, ამასთან ბალმა(ჰ) სულ არ შეიძლება. ai ერთად ფრანგულში ე-ს ქმნის, ა-ს არა
    ნნნნნ არაა, მაგრამ ნ-ს 2/3 არის ))
    კაბერნე სოვინიოს ხო არ ამბობ, სოვინიონ

    ReplyDelete
  22. კი ვიცი რომ ე-ა მაგრამ ამ შემთხვევაში ა- არის. :)
    არ ვიცი რატომ, მაგრამ ნამდვილად ბალმა(ნ)ია :)

    ReplyDelete
  23. ინტუიციას არ ენდო, ეგ ქალების პრეროგატივაა ))

    ფაქტები დაიდოს.
    მე სადაც მომისმენია ბალმენია

    ReplyDelete
  24. ბევრგანაა http://lifestyle.in.msn.com/gallery.aspx?cp-documentid=3733537&page=3
    http://thechicspy.com/?p=433
    just Google it :)

    ყველგან ა არის.
    ბოლოში ნ-ზე ვარიანტები განსხვავდება - სულ ნ-ის გარეშედან დაწყებული - ჰნ და ნ-თი.
    ადრე დამჭირდა და იქედან მახსოვს.

    ReplyDelete
  25. მერე როგორც ალეიჰანდრო და ჟივონში არ უწერიათ სწორად ისე ბალმენია შეცდომა

    ომგ კომ დეი გარსუნ კომ დე გარსონის მაგივრად:( ნუ კითხულობ ამ საიტებს)

    ReplyDelete
  26. 100 საიტია ეგეთი :) და ყველგან ა-არის ვაჰმ :)
    ერთიც ვერ ვნახე, სადაც ე იქნებოდა :):)
    აჰა, აუდიოც http://www.forvo.com/word/pierre_balmain/

    რომ მოვკვდები, თუ ვნახე იქ აუცილებლად ვკითხავ როგორაა შენი გვარი-თქო და ახლა სხვა წყარო არ მაქვს. :)

    ReplyDelete
  27. :))))
    სულ უაზრობები წერია და რაღა ეგ დავუჯერო )
    ამ ფორვო-ზე არ შევიდა
    დაწერე ბალმაჰზე, რა ვქნა მე :დ იმქვეყნად გავაგრძელოთ ;)

    ReplyDelete
  28. უნდა დამეწერა, შენს გარდა თორნიკეც გიჟდება მასზე–მეთქი და თურმე თორნიკეს ბლოგი დაგილინკავს.

    მე არ მომწონს. ჩვეულებრივი, არადასამახსოვრებელი სახე აქვს. თან ქერები არ მევასებიან ხოლმე. (as usual)

    ReplyDelete
  29. დარია არაა ქერა) ჰედერზე აიხედე. ხანდახან კი არის ხოლმე და მართალი ხარ, ნაკლებად უხდება :/

    ReplyDelete
  30. უაიმე <3 მადლობა ნინა

    ReplyDelete