Saturday, February 19, 2011

You can leave your hat on

ქუდები გიყვართ? მე? რედიოჰედი? ისე რა, ძალიან, ხანდახან - ჩემი პასუხებია. ანუ ქუდები - ისე რა, საკუთარი თავი - ძალიან, რედიოჰედი კი - ხანდახან. ქუდს გააჩნიაო, მეტყვით, მაგრამ ჩემთვის არ გააჩნია - საერთოდ არ მაქვს და არც... არა, მომენტებში მინდება ხოლმე რომ მქონდეს. კაუფმანის „აუტანელს“ რომ ვუყურებ, მინდება რომ ზუსტად საბინასნაირი შევიძინო, თუმცა ფილმის დამთავრებისთანავე ვხვდები, ქუდი აქ მხოლოდ სიმბოლოა კლიშეებთან, მოძველებულ მორალთან, კიჩთან ბრძოლის. ამაღამ ისევ მომინდა, რომ ქუდი მქონდეს, ოღონდ კუნდერას საბინა ახლა არაფერ შუაშია. 

მთელი კვირა ვფიქრობდი, პარასკევს სერიოზული ნაით-აუთი მექნება-მეთქი, მაგრამ დღეს დილით სეირნობის დროს გადავიფიქრე. სურნელოვანი აბაზანის, შპენგლერის კითხვის და  შოკოლადის თერაპიის სურვილმა გადაწონა გარეთ გართობის იდეა. ან ინტუიციურად ვიცოდი, რომ რედიოჰედის ახალი ალბომი ერთი დღით ადრე გამოვიდოდა. ყიდვას მარტის ბოლომდე ვერ შეძლებთ, თუმცა შეგიძლიათ გადმოწეროთ აქ. (მადლობა funkysouls-ის ფორუმელებს ასეთი ოპერატიულობისთვის).

სერიოზული რეცენზიის დაწერას არ ვაპირებ, ამისთვის ორ ჭიქა წითელ ღვინოს უნდა გავუკეთო undo და როგორ, ეგ აღარ ვიცი. ორი ტრეკი ძალიან მომეწონა. დანარჩენი ისეთია რა, ძველ სტილში (კრიტიკოსები უკვე ენამწარეობენ, რამე ახლის შექმნა დაეზარათო). მე რომ მასივს და თრიქის დითირამბებს ვუწერ ინოვაციურობისთვის, თქვენ წარბს მიწევთ, სტილი დაკარგეს, რა გიხარიაო და ა.შ. ჰოდა ალბათ ეს მოგეწონებათ, ახალი მართლა არაფერი არაა. არის ძალიან სექსუალური ტომ იორკი მმმ ძალიან მაგარი ქუდით და მშვენიერი სიმღერით Lotus Flower. 


All I want is the moon upon a stick
Dance around a pit...

15 comments:

  1. ნინასაც ტომიკას საღამო ქონია :)

    ReplyDelete
  2. ჰაჰაა ნასტ ეხა დაგიწერე ბლოგზე, რა სინქრონული პოსტები გვაქვს მეთქი ამაღამ და კომენტარებიც რომ სინქრონული გამოვიდა :))))

    ReplyDelete
  3. ხოო, აი, ძალიან სასაცილო იყო, გამოვაქვეყნე და რო შევხედე, ბლოგროლში შენი ახალი პოსტი გამოჩნდა :)

    მე სეირნობის არა, ფილმების საღამოს ვგეგმავდი და ისე გამიტკბა,მგონი ძილიც გადამეგეგმა :დ

    ReplyDelete
  4. არ ვუსმენ რედიოს.
    კლიპი მომეწონა, სიმღერა ისე რა. იქნებ ახალ ალბომსაც მოვუსმინო, რავიცი ;დ
    ტომი ჰიპერაქტიულია? :დ

    ReplyDelete
  5. ჰო მე იორკი ცალკე უფრო მიყვარს
    მოუსმინე რას კარგავ ))

    ჰო რავი, იმედი მაქვს რომ ეგეთია :დ

    ReplyDelete
  6. მაშინ ჩემი პასუხებია:
    ძალიან. ხანდახან. არა.

    ReplyDelete
  7. მეც ეს სიმღერა Lotus Flower გამოვარჩიე ჯერჯერობით :)

    ReplyDelete
  8. ლორდ
    მეც

    ქეთი, კოდექსიც მაგარია.

    ReplyDelete
  9. შენც რა?

    ნიკო ნერგაძის სტატუსი ვნახე დღეს ვისაც რადიოჰედი არ გევასებათ ან გამაგებინეთ რაა მანდ დასავასებელი ან ეს სტატუსი დამილაიქეთო.
    მე დავულაიქე.

    შენი პოსტი ნახა, ალბათ? :)

    ReplyDelete
  10. ჰო, ახალი არაფერია
    მაგრამ ახალს არც ველოდი, ვიცოდი მათ სტილში იქნებოდა , მე კი მათი სტილი მაკმაყოფილებს.. თან ეს მოქანავე ტომი მომწონს

    ReplyDelete
  11. შენ მიყვარხარ. ჩემი სტილის ინდი ხარ.

    ქუდები ძალიან. თუმცა რათქმაუნდა ყველანაირი არა. გუშინ მიყიდა დედაჩემმა უმაგრესი ქუდი და გრძელი ხელთათმანები ჩემს სტილში და რათქმაუნდა ჩემს ფერში (ანუ ნაცრისფერი კატისა და კურდღლის), ხოდა ახლა ამ კომენტარს რომ გიწერ, სამსახურში ვზივარ და ეს ქუდი თავზე მაქვს ჩამოფხატული. რამდენს უნდა ალბათ მითხრას, მოიხსენიო, მაგრამ იმით უფრო ტკბებიან, რომ მახურავს. ხოდა იყვნენ ეგრე. მე ახლა ისევ ნარციზი ვარ ჩემი ახალი ქუდით და ისევ მინდა, რომ ეს ვიდეო ჩავრთო და ავყვე ტომს და მის ინსტრუმენტებს, მაგრამ ისევ ეს ცოფიანი სამსახური და უდინამიკებო კომპიუტერი.

    ხოდა წეღან ნაასთან ვიყავი და იქაც "რადიოთავია". და იქაც ეს ვიდეო. ხოდა ასე ერთ კადრს ვარ მიჩერებული და გონებაში ვტკბები მომავლით. ოდესმე ხომ ვნახავ და მოვუსმენ არა?! სად წავალ :))

    ReplyDelete
  12. ლოლ
    რა საკაიფოა, საბინა რომ გაგახსენდა... პრაღაში რომ ვიყავი და ვინმე ქუდიან კაცს, ან ქალს რომ დავინახავდი, სულ საბინა და ტომაში მახსენდებოდნენ... ო, მაინ გოთ! =))

    ReplyDelete
  13. ქუდები – ხანდახან; რედიო და საკუთარი head – ისე, რა! :)

    ReplyDelete
  14. ქუდები მიყვარს
    ძალიან – ბევრი, სხვადასხვანაირი, ლამაზები, თბილები, პრაქტიკულები ან უბრალოდ აქსესუარები

    რედიოჰედი არ მიყვარს :)
    ან ძალიან ცუდად ვიცნობ და ვერ მოვასწარი შეყვარება

    ReplyDelete
  15. ტომი რა საყვარელია. ამ ალბომს რაც შეეხება, დავიწყე მოსმენა, რამდენიმე სიმღერას მოვუსმინე, არ მომეწონა და თავი დავანებე :|

    ReplyDelete